4-5 kjúklingabringur
Season All eða kjúklingakrydd
1 pk. sveppir
Sósa:
1 matreiðslurjómi (1/2 ltr.)
200 gr. BBQ sósa (brown – sugar)
1 dós smurostur með sólþurrkuðum tómötum
4 msk. púðursykur
4 msk. soya sósa
sósujafnari til að þykkja
Kjúklingabringur skornar í ræmur og steiktar á pönnu. Kryddað með Season All eða kjúklingakryddi. Ræmur settar í eldfast mót. Sveppir skornir í sneiðar og steiktir á pönnu. Þeim er svo stráð yfir kjúklinginn. Allt sem á að fara í sósu nema sósujafnari sett í pott og soðið saman við vægan hita. Sósa þykkt með sósujafnara. Sósunni er svo hellt yfir kjúkling og sveppi. Sett í 190°C ofn í 30 mín.
Kartöflur í ofni:
Kartöflur og sætar kartöflur skornar í teninga. Sett í eldfast mót. Rauðlaukur skorinn í sneiðar og stráð yfir kartöflur. Kryddað með timjan og Toscana kryddi ef vill. Smá vatn hellt yfir og bakað í 200°C ofni í 30 – 45 mín.
Borið fram með snittubrauði.
Uppskriftir 